Uguren ar tlelli n umbiwel

Swejdem-d amkan anda ur d-yettmaggar ara ugrud uguren akken ad yembiwel

Ayen akk ara t-iqarɛen, ara iceggben ambiwel n ugrud d ugur i unerni-s. Ilaq ɣef ugrud ad yaf iman-is amek ara yeqqim neɣ ad ibedd, ad imured neɣ ad yeḥrured s yiman-is.

Annaren n turart xeddmen-as tilisa i umbiwel n ugrud, ur yettaf ara iman-is ad yurar akken i as-yehwa, daɣen yeččur d irellucen ulac liseɛ aṭas.
Takalict tettaǧǧa agrud ad yebdu tikli zik uqbel lawan-is, tqerreɛ ambiwel i yuḥwaǧ akken ad yelmed amured syin akkin tikli.
Ammas n usedhu i ugrud, ur yettḥerrik ara, ḥebsen agrud gar yirellucen ur t-ttaǧǧan ara ad yembiwel akken i as-ilaq.
Akersi n usgunfu yettaǧǧa agrud ad yebdu anṭag uqbel lawan-is. Yelha i ugrud ma yella iɛreḍ tirmit-a n unṭag maca ilaq ad tɛelmem d akken ayen akk ara d-yesɛeddi deg ukersi-agi ur yettembiwil ara ambiwel agaman
Xemmet ɣef kra n ttawilat ad teswezlem akud mi ara teqqnem agrud deg tkerrust