Ɛiwen-it ad yeddu

Heggit-d amkan s waṭas n yirellucen akken ad tɛiwnem agrud ad yeddu.

• Agrud ad yebdu tikli asmi ara yizmir ad itebbet iman-is u ad yesɛu lǧehd d teflest (laman. Tzemrem ad as-tefkem kra n yirellucen ad t-iɛiwnen akken ad ibedd.
• Taceryult n tikli ara t-iseggren ad yeddu ad t-tɛiwen akken ad itekki fell-as, ad ittseggir mebla ma yeɣli ɣef uɛebbuḍ. Tzemrem diɣen ad txedmem akka s kra n taẓayt ara ternum deffir-s ad t-tjebbed ur iɣelli ara.
• Afet-d amkan ideg yezmer ad yelmed ad yettali tidrujin deg laman.

Mlet-d i ugrud amek

• Eǧǧet agrud ad yelmed isurifen-is imezwura n tikli iman-is. Eǧǧet-t ad yexdem ayen yezmer iman-is syin, seknet-as amek ara yexdem ayen ur yessin ara. Amedya, xas ad yali tidrujin iman-is, mlet-as amek ara d-idewwer tafekka-s d wamek ara d-yezzi akken ad d-yader tidrujin, d wamek ara d-isrusu tiqejjirin-is alma d tadrujt taneggarut.

Efket-as lweqt.

• Ilaq aṭas n lweqt i ugrud akken ad yissin ad yeddu akken ilaq. Saɛfet-t tefkem-as akk lweqt i yuḥwaǧ akken ad ilemmed cwiṭ cwiṭ s yiman-is, mačči d kunwi ara t-isselḥayen seg tqejjirin-is.