Ɣef Tallelt i Tudert

Leqdic-a, Tallelt i Tudert iressa ɣef tekti i d-yeqqaren dakken igerdan ttnernin akken iwata mi ara d-kkren deg twennaḍt i irennun afud i tneflit-nsen tagamant, s lmendad n umeqqran i yessnen amek ara ten-yeqqen ɣer kra n urmud ufrar, u ad asen-yefk akud ilaqen akken ad imɣuren u ad nnernin ilmend n tikliwin-nsen.

Yemmug akken ad d-ifek i yimawalan iwellihen igerrzen, d ifessasen, d usriden s yiwet n talɣa isehlen akken ad ten-ḍefren.

Taswiɛt-a, asmel-a yettmeslay i ugrud seg tlalit-is ar krad (3) n yiseggasen, maca iswi-s ɣer sdat, ad d-yelhu d ugrud d twuri n yimawlan ɣer yigerdan alma qqlen d ilemẓiyen.

Iɣbula n tallelt i tudert.

Tagrumma n tedlisin, d yifuyla imesliẓriyen DVD ttwaheggan s lmendad n Tallelt i Tudert. Wigi ad ilin d iɣbula iwulmen i yimawalan d kra n win yebɣan ad d-isuddes igrawen n tallelt i yimawlan.

Tidlisin

Tella tedlist i yal yiwet seg taɣulin-a n tneflit n tikli, n taywalt, n timanit d taɣul-imant, temmal-d tigawin timecṭuḥin i zemren ad tent-xedmen yimawalan deg uxxam akken ad fken afud i tneflit n yigerdan. Zemren ad tent-id-zedmen deg usmel-a neɣ ad tent-id-aɣen.

Zdem-d tidlisin :

• Tikli
• Taywalt
• Timanit
• Taɣultimant

Idlisen

Tadlist i yal yiwet seg taɣulin-a n tneflit n tikli, n taywalt, n timanit d taɣultimant, tettak-d isallen s telqay ara neḍfer yiwet yiwet deg tegnatin n yal ass.

Aḍebsi imesliẓri

Aḍebsi imesliẓri yemmug i yal yiwet seg taɣulin-a n tneflit n tikli, n taywalt, n timanit d taɣultimant, yeskan-d imenzayen igejdanen i tzemreḍ ad ten-tesxedmeḍ akken ad tɛiwneḍ taneflit n ugrud-ik. Aḍebsi-a yessefham-d akk tigawin n tallelt i d-yeddan deg tedlisin.

Akken ad d-taɣeḍ iɣbula-a, kcem https://shop.montessori-namta.org/collections/aid-to-life