Slalet-d amaḍal yeččuren d timucuha d tezlatin
- Kemmlet, ttnadit idlisen lɛali s tteswirat icebḥen d teqsiḍin n tudert n yal ass.
- Kemmlet anadi n tektabin akken ad teṭṭerḍeq tmeslayt n ugrud-nwen. Ma yella agrud yerra lwelha-s mliḥ ɣer tɣawsiwin, seknet-as tiɣawsiwin-a : tafḍist, amenqar, tajerrayt…
- Idlisen pop-up sɛan azal d ameqqran deg leɛmer-a. Ttɛawanen akken ad yili umyekcem gar wawalen d udlis.
- Imecṭuḥen akkya ad asen-ɛeǧben yidlisen n yal ass d teqsiḍin n twacult, maca ad bdun ad ttarran ddehn-nsen ɣer tteswirat yeččuren d isallen d tigawin d wayen-nniḍen.
- Afet-d tura tizlatin i yesɛan awalen i yuɛren cwiṭ. Agrud-nwen yezmer ad yeṭṭef tura aṭas n wawalen deg leɛmer-a, ihi kemmlet seččet llaẓ-is s wawalen ijdiden.
- Ammuden n tezlatin d tseddarin i yesɛan tunṭiqin i d-yettɛawaden neɣ tigawin i yezmer ad tent-id-yettɛawad lhant mliḥ deg tallit-a.
- Idlisen i yesɛan lmizan d lqafya i d-yettuɣalen ttɛawanen taneflit n ugrud deg wayen yerzan taseklawit.
Qqnet agrud ɣer tmucuha d tezlatin
- Asmi ara iɣer ugrud kra n tektabt, tzemrem ad temmeslayem yid-s ɣef yiwudam d tedyanin n teqsiḍt i yeɣra, tesrewsem gar tirmit n ugrud-nwen d tin n yiwudam n tektabt.
- Mi ara teɣrem idlisen s wawalen i d-yettuɣalen d tteswirat i yeɛnan aḍris n udlis, steɛfayet cwiṭ mi ara as-teqqarem s ssut ɛlayen, ḥebbset akken ad d-iger iman-is s wawal neɣ sin.
- Snulfut-d tigawin deg kra n tezlatin i iḥemmel ugrud akken ad tent-txedmem akken. Tigawin ad ɛiwnent agrud akken ad yefhem lmeɛna n tezlatin-nni.
Efket lweqt ilaqen akken ad teɣrem u ad tecnum d ugrud-nwen.
- Kemmlet akken, ttafet-d amkan d lweqt ilaqen anda ara teɣrem u ad tcennum yal ass i ugrud-nwen, mebla ma tettum aḥric-nni uqbel ad yeṭṭes. Tamacahut lɛali deg yiḍ sufella n umetreḥ, ad t-tezzuzen u ad as-d-tawi iḍes lɛali akken ad yekkfu wass u ad yezzer deg yiḍ.
Amedya n kra n tezlatin deg tallit-a
Baba-inu-ba
Ttxil-k lli-yi-n tawwurt a baba-inu-ba
Sčenčen tizebgatin-im a yelli ɣriba
Uggadeɣ lweḥc n lɣaba a baba-inu-ba
Uggadeɣ ula d nekkini a yelli ɣriba
Amɣar yettel deg ubernus
Di tesga la yeẓẓizin
Mmi-s yettḥebbir i lqut
Ussan deg uqerru-s ttezzin
Tislit deffir uẓeṭṭa
Tessallay tijebbadin
Arrac zzin-d i temɣart
Ad asent-tesɣer tiqdimin
Ya lala ya lalala Arrac zzin-d i temɣart
Ya lala ya lalala Ad asen-tesɣer tiqdimin
Ttxil-k lli-yi-n tawwurt a baba-inu-ba
Sčenčen tizebgatin-im a yelli ɣriba
Uggadeɣ lweḥc n lɣaba a baba-inu-ba
Uggadeɣ ula d nekkini a yelli ɣriba
Adfel yessa-d tiwwura
Tuggi kecmen-tt yiḥlulen
Tajmaɛt tettargu tafsut
Ayyur d yitran ḥejben
Ma d aqejmur n tasaft
Idegger akkin idenyen
Mlalen-d akk at uxxam
I tmacahut ad d-slen
Ya lala ya lalala mlalen-d akk at uxxam
Ya lala ya lalala I tmacahut ad d-slen
Ttxil-k lli-yi-n tawwurt a baba-inu-ba
Sčenčen tizebgatin-im a yelli ɣriba
Uggadeɣ lweḥc n lɣaba a baba-inu-ba
Uggadeɣ ula d nekkini a yelli ɣriba.
Uṭṭunen (leḥsab)
Ad nebdu s yilem
Memmi ad yesgem
Ad yecbu izem
D lxir ad t-yexdem la la la la
Ad neḥseb yiwen
Memmi ɛzizen
D lwiz ɣlayen
Ulac win i t-yifen la la la la
Ad neḥseb sin
Memmi d uzyin
Yir tiṭ aẓ akkin
Yif akk tizyiwin la la la la
Ad neḥseb kraḍ
Memmi d sser yettfaḍ
Ad yečč acebbaḍ
Ad yif akk wiyaḍ la la la la
Ad neḥseb ukkuẓ
Memmi amaẓuẓ
Yecbeḥ d ameɛzuz
Asemmiḍ ur t-yettḥuz la la la la
Ad neḥseb semmus
Memmi ur ixus
Fell-as xemsa u xmus
Ad iles abernus la la la la