Rreḥba n yiseqsiyen ɣef leqdicat i yeɛnan axxam

Mmi ur as-yehwi ara ad ixdem kra n leqdic

Ɛerḍeɣ ad sekkiɣ mmi deg lecɣal n uxxam,maca ayen i iḍerrun s umata, ttafeɣ-t-id yetturar s tɣawsiwin-nni, ma d ccɣel-nni d nekk I t-ixeddmen. Amek I zemreɣ ad t-sekkiɣ akken ad ixeddem ccɣel netta?

Ilaq ur tettaysem ara deg wayen i tettrajum. Igerdan deg leεmer-a ur ttarran ara lwelha-nsen ɣer yigemmaḍ, daymi ur xedddmen ara lecɣal s lmeɣawla akken I tenwam ad ttwaxedmen. Di tazwara, yuwi-d ad txedmem idis ɣer yidis d ugrud-nwen akken ad temɛawanem “ad xedmeɣ yiwet, ad txedmeḍ yiwet”. Ur ttrajut ara deg ugrud ad ixdem ccɣel iman-is s yiman-is imi annect-a ur d-iḍerru ara. Mi ara yedhu ugrud-nwen deg kra, erret-d lwelha-s ɣer ccɣel-nni I txeddmem. Amedya, ma yella yettɛawan-iken-id akken ad tegrem akk lqecc yumsen ɣer tmacint n tarda, cqirwet-t akken ad d-yaf akk tiččeqcirin neɣ tiqemjtin deg lawan ideg kunwi tettkemmilem teggarem lqecc I d-yeqqimen ɣer tmacint. Mi ara yerr ddehn-is ɣer kra n leqdic ad t-iɛiwen akken ad ikemmel u ad iḥuss s lferḥ mi ara yekkfu ccɣel-nni.

Uggadeɣ ad yejreḥ iman-is

Bɣiɣ ad xedmeɣ kra n leqdicat d mmi, maca uggadeɣ ad yejreḥ iman-is. . Amedya lukan ad igzem tabanant,ilaq-as lmus aqeṭεan, ma ulac ur yettaweḍ ara ad tt-igzem, maca ma yella fkiɣ-as lmus aqeṭεan, uggadeɣ ad ilḥeq iman-is. D acu ara yi-twessim ?

Tesεiḍ lḥeq, yuḥwaǧ lmus igezzmen mliḥ, u ma yella nettmuddu tiɣawsiwin akka i yigerdan, ilaq ad nmeyyez amek ara asent-nmudd. Ilaq ad as-tsekneḍ i ugrud amek ara yeṭṭef lmus amek ur t-ijerreḥ ara, leqḍeɛ ad yuɣal ɣef ugessar, iḍuḍan deg ufus. Ulayɣer ad as-tefkeḍ lmus i yesɛan ticcert maca tzemreḍ ad as-tesfehmeḍ belli leqḍeɛ-nni igezzem, ilaq ad iḥader iman-is. Mel-as anda ara yesres iḍuḍan-is n ufus-nniḍen mi ara yeṭṭef tabanant akken ur tent-yettḥaz ara. Syin akkin ad twehmeḍ amek ara yettɛassa iman-is mi ara yeṭṭef lmus mi ara t-tɛiwneḍ ad yefhem belli ad t-yessexdam s leḥder.