Ameslay

Heggit annar s tmeslayt fessusen yettwafhamen

Kunwi akked yimeqqranen-nniḍen i d-yezzin i ugrud, d annar-is n tmeslayt. Tḥeqqet dakken am kunwi am wid akk i ittekkin deg tudert n ugrud-nwen dakken tessexdamem tameslayt yettwafhamen, yerna d tin yemmden yal ass.
Tḥeqqet dakken wid akk ukkud yesɛedday lweqt, fehmen azal n tririt i wayen i ixeddem iwakken ad d-yini awalen neɣ ad yemmeslay deg lawan-nni. Ur yeshil ara fell-as ad yemmeslay, daymi mi ara t-tesnemrem d asebɣes akken ad ikemmel, maca ma yella ulac win i as-yefkan azal ad yefcel, dɣa ad yeḥbes ur yettkemmil neɣ ur yekkat ara ad yemmeslay.

Qqnet agrud-nwen ɣer tmeslayt iferẓen s tirmitin-is n yal ass.

Yal taɣawsa ara tesxedmem akken ad tessirdem, ad tessizedgem, ad theggim lqut, ad telsem neɣ ayen akk i txeddmem deg tudert-nwen n twacult d awal ara yelmed ugrud-nwen. Mi ara d-tsemmim i tɣawsiwin-nni, rnut sfehmet-as diɣen lexdayem-nsent. Amedya, llan tɣemǧawin n yigerdan, tiɣemǧawin n lmerqa, tiɣemǧawin n uktili, tiɣemǧawin n lqahwa. Ilaq ad tessexdamem akk ismawen-a, wala ma tennam-d kan tiɣemǧawin. Ur ttaggadet ara ad ilin wawalen-a uɛren ɣef ugrud-nwen. Ismawen-a ad sɛun azal d lmeɛna ɣur-s mi ara ttwasxedmen deg tudert-is n yal ass u ad snernin tameslayt-is.
Sxedmet tajerrumt iseḥḥan d tefyar yemmden akken i tzemrem. Sxedmet tameslayt yelhan ara yerfed ugrud akken ula d netta mi ara yettmeslay, ad t-fehmen akk medden.

Efket lweqt akken ad temmeslayem

Ilaq ad tsebrem alma yebda tameslayt. Imeslayen ara yissin ugrud ad ilin dima meqqrit ɣef wawalen ara yessexdam netta. Tzemrem ad as-tinim ad iruḥ ad d-inadi tiččeqcirin-is, ad izger deg texxamt, ad ten-yaf uqbel ad ten-id-yerfed u ad d-yini : « A yemma, ufiɣ tiččeqcirin-iw ». ilaq ad as-tsebrem alma yebda tameslayt s yiman-is akken ad tfehmem dacu i yebɣa ad d-yini.