Irellucen i umbiwel

Swejdem-d amkan i irennun afud i umbiwel

• Ɛelqem irellucen nnig uqerruy n ugrud akken ad yesleɣmu ad yettwali tiɣawsiwin s wallen-is. Tazwara irellucen-agi d ilin s uberkan d umellal mi ara twalim agrud yeɛya deg-s tzemrem ad tbeddlem wid yesɛan initen. Fernet irellucen ixfafanen i yettafgen s ubeḥri am yifrax, tibeɛɛac ur fernet ara wid iteddun ɣef lqaɛa am yimcac neɣ iqjan, lmal.
• Cwiṭ cwiṭ mi ara yegmu ugrud ɛiwen-it ad yettaṭṭaf ad yettḥerik s lastik ačenčun neɣ tanaqust neɣ kra n urelluc n ugrud ad as-yeɛǧeb mi ara d-yexdem ssut n učenčun-nni.

Semlil agrud d urelluc-is

• Ɛelqem irellucen nnig uqerruy n ugrud amek ara yizmir ad ten-iwali neɣ ad ten-yaweḍ. Muqlem, ɛasem ma yella agrud yessaweḍ ad yerr s ddhen-is ɣer irellucen-nni. Acku deg smanat-nni timezwura ur yessawaḍ ara ad iwali ayen ibeɛden.

Efkem akud i ugrud akken ad yurar

• Ɛelmem d akken yella kra n wakud deg wass anda agrud yettwali irellucen-nni i yettwaɛelqen nnig uqerruy-is, kra wussan kan ad twalim agrud iɛerreḍ amek ara ten-yaweḍ.