10 n tlufa i tzemrem ad tent-txedmem deg uxxam akken ad tesbeɣsem timanit
Timanit deg yiselsa
Efket-as-d iselsa neɣ lqec ara t-iɛiwnen akken ad yili d amunan: tiqmejtin ara iles s shala, tid i yesɛan ifassen n lastik, d teqfilin ikeččmen deg txemjin s utekki akken ad yezmir ad tent-yels iman-is.
Xtiret-as-d lqecc i iḥemmel, tɛellqem-ten deg yigig anda yezmer ad asen-yaweḍ ma yebɣa ad tent-id-yerfed iman-is. Rnut heggit-d taqeffet anda ara yesrusuy lqecc i imesxen mi ara ten-yekkes.
Heggit-as-d lemri d tebrust akken ad imecceḍ acebbub-is iman-is.
Timanit deg ubduz
Agrud-nwen ilaq ad yesɛu takursit n ubduz ideg ara imessex. Ur ssexdamet ara aṭaburi akken ad yettali ɣer ubduz. (Annect-a ad d-yili asmi ara yili ubduz zeddig, rnu llant terkabin ara yali akken ad yaweḍ iman-is deg laman war aɣelluy).
Heggit-as-d aṭaburi iɣef ara yettali akken ad yaweḍ ɣer uḍebsi n tarda akken ad yessired ifassen-is d tuɣmas-is.
Timanit deg wučči
Heggit yiwen n leqjer rxayen deg tkuzint, teččarem-t d tiḍebsiyin, lkisan, tiɣemǧawin d tfurciḍin n yigerdan-nwen. Yal yiwen ad yesɛu amur-is seg-s.
Mi ara d-taɣem ijeqduren n tkuzint, xtiret-d tiɣawsiwin n djaj mačči tid n plastik. Xas ussan imezwura ad as-ɣellint gar yifassen-is ad rẓent, ur ilaq ara ad tɛeggḍem fell-as. Acku cwiṭ cwiṭ, agrud-nwen ad yuɣal ad yissin amek ara tent-yeṭṭef.
Igerdan ḥemmlen ad ččen mi ara yella ttekkin deg uheggi n lqut-nsen. Zemren ad sqecren tačinet neɣ ad ẓḍen tabanant ma yella tebdam-asen-d kunwi.
Timanit deg tguni
Usu yerxan ɣef lqaɛa seg yiseggasen-is imezwura yettak tilelli i ugrud akken ad iḥerrek akken yebɣa. Annect-a ad t-yeǧǧ ad immured berra i wusu-ines mi ara d-yaki. Ula d irellucen i yellan deg texxamt-is ad d-jebden lwelha-s akken ad yejbu ɣur-sen war ugur.
Snamet i ugrud-nwen lweqt n yiḍes. Akken yebɣu yili lḥal, yezmer ad yaɣ tannumi s sshala am waken ara yissin lweqt n turart, lweqt n tarda, lweqt n tmucuha, akken ula d lweqt n yiḍes.