Rrehba n yiseqsiyen ɣef tuccḍiwin

Amek I zemreɣ ad ɛiwneɣ?

Ad sekkiɣ agrud-iw deg uheggi n yimekli yal ass, yezga iḥemmel annect-a, maca tikwal i ttnuɣni acku ur as-d-ittwenniε ara ccɣel-nni. Ẓriɣ d akken ad yuɣal ad yissin maca ur ẓriɣ ara melmi ad as-iniɣ ad yebdu akken ad yekkfu ccɣel, d melmi ara d-greɣ iman-iw akken ad as-t-id-xedmeɣ nekki.

Di tazwara ilaq ur tettettuḍ ara belli mmi-m a-t-an deg umecwar n unegmu. Llan wussan ideg yezmer ad ixdem lecɣal igerrzen, yettkel ɣef yiman-is u yesɛa lebɣi akken ad ikemmel. Llan wussan, ideg ara yeɛyu neɣ ad iḥus i yiman-is ur yezmir ara ma yella lecɣal ur ddin ara akken i yebɣa, daymi ilaq ad taɣeḍ tannumi ad tettɛassaḍ iḥulfan-is, u ad as-tedduḍ ilmend n wamek yella di tegnit-nni. Annect-a s umata, yebɣa ad d-yini belli ilaq ad t-teǧǧeḍ ad ixdem iman-is ayen akken i yezmer ad t-yexdem, u ad t-tɛiwneḍ deg wayen i as-yuɛren. Ahat kra n wass, yexdem udi i lxebz-is, yedhen i sin idisan, u yesdukkel-iten, maca yuɛer-as akken ad yeṭṭef lmus ad t-yegzem d tiḥedrin. Ur ilaq ara ad as-t-id-txedmeḍ imir-nni kan. Ddem-d lmus, tsekneḍ-as s leɛqel amek ara yegzem lxebz ɣef sin. Lmeɛna-s aḥric-nni wis sin i as-yuɛren d kemm I as-t-id-ixedmen maca yeḥfeḍ amek ara yegzem lxebz ɣef sin. Efk-as tagnit akken ad t-yexdem iman-is. Yezmer ad iḥus yettwasebɣes akken ad t-ixdem netta ma yella ur yessaweḍ ara, yal tikkelt ideg ara t-txedmeḍ kemm, ad as-tsekneḍ akken ad yuwet ad t-ixdem tikkelt-nniḍen.