Sewjed-d amkan anda ara yizmir ugrud ad yemḥiḥed mi ara d-yekker seg yiḍes
- Usu deg lqaɛa s umeṭreḥ amsari yettak tagnit i ugrud ad iwali ayen i as-d-yezzin war uguren ara d-yemlil deg dduḥ. Acku mi ara igen ugrud deg wusu deg lqaɛa di kraḍ n yiseggasen imezwura deg tudert-is, yezmer ad yemḥiḥed s sshala u ad yekker ad igen, acku d tannumi-ines tagamant i t-iselḥayen.
- Serset irellucen d yidlisen n ugrud deg leqjer arxayan deg texxamt-is akken ad yizmir ad ten-id-yerfed iman-is.
- Ur tettut ara akken ad tɣumem akk ayen yesɛan trisiti, lexyuḍ n trisiti, tiftilin, xedmet leqjur ur yettḥerriken ara akken ur ten-id-ijebbed ara.
Selmed i ugrud d akken usu d amkan anda ara yeggan.
- Yal tikkelt mi ara t-id-yaweḍ yiḍes neɣ d lawan n yiḍes, sres-it deg wusu arxayan akken ad yennam d amkan-is n yiḍes. Ɛreḍ amek ur t-tesganayeḍ ara deg uttag neɣ deg tceryult-is neɣ deg yirebbi, acku annect-a ad as-yesnam ur yeggan ara ala s uhuzzu.
- Anfet-as ad imured seg umeṭreḥ-is mi ara d-yekker seg yiḍes akken ad yurar s yirellucen d yidlisen deg texxamt-is. S wannect-a ad isnerni tannumi-is ad igen lawan yeɛya ad yurar lweqt i d-yekker. Ma yella yettwaḥbes deg dduḥ ulac s wacu ara yurar, ad tt-yerr kan i yimeṭṭi akken ad truḥem ɣur-s.
Efk-as lweqt akken tannumi n yiḍes-is ad tennerni
- Ur newwut ara ma yella yuweḍ-d lawan n yiḍes, agrud ad iruḥ srid ad igen deg wusu-s. Yezmer ad yettru tikwal neɣ ad yenneɣni uqbel ad igen. Ma yella teẓram d akken agrud yeggan deg wusu-ines arxayan, u ma yella ur yewjid ara i yiḍes yezmer ad yurar s irellucen-is, ad twalim amek ara igen mi ara yeɛyu u ad yekker ad yurar s tumert d lferḥ mi ara yeṛwu iḍes.
