Sekkit agrud-nwen deg uheggi n wučči
Igerdan ḥemmlen ad ččen mi ara ttekkin deg uheggi n wučči-nsen.
Xedmet takuzint ara yilin ilmend n ugrud-nwen
- Sɛut allalen imecṭuḥen s lqis n yigerdan-nwen : tiḍebsiyin, ifenǧalen, lemwas, tifurciḍin, tiɣemǧawin…
- Serset-ten deg leqjer rxayen anda yezmer ad yaweḍ ad ten-id-yerfed iman-is s shala.
- Heggit aṭaburi xfifen i yezmer ad t-yerfed s shala akken ad yali s imukan iɣer ur yettaweḍ ara.
Mlet i ugrud amek ara iheggi učči-ines.
- Agrud yezmer ad ittekki deg uheggi n wučči-ines s kra n lxedmat tifessasin akka am useqcer n tbaṭaṭat, neɣ tarda n teẓrudyat, neɣ ad yegzem tabanant s lmus amecṭuḥ n yigerdan.
- Mlet-as amek ara yexdem annect-a s uḥerrek n yifassen-nwen s leɛqel, s leɛqel, akken ad iwali ugrud dacu i txeddmem.
- Mi ara yekkfu, mlet-as amek ara yessired tiɣawsiwin-nni i yesseqdec akken, d wamek ara tent-yerr ɣer leqjer.
Efket-as lweqt.
- Agrud ur ixeddem ara s lemɣawla am kunwi, maca ulac fell-as. Maca ixeddem akken ad iger iman-is u ad yekki deg uheggi n tgella-s. yecqa-ken xas ad tesqecrem setta n tbaṭaṭayin i ddema-s.