Amedya n leqdicat
Asfaḍ n ṭṭaba :
- Eǧǧem ayen i tuḥwaǧem deg leqjer arxayan : ineccafen, d ṭṭbeq d yiwet n tama i ucifun-nni ara imesxen mi ara tsefḍem ṭṭabla.
- Ur sexdamet ara s waṭas awal, sxedmet ifassen, akken ad yettwali leqdic-nni ad yelmed s lefɛayel.
- Afet-d ṭṭabla imesxen, tseknum i lqedd-nwen sdat-s.
- Seknem-as amek ara yessexdem aneccaf mi ara yesfeḍ ṭṭabla yumsen.
- Ma yella yeḥbes ur ken-id-ixeẓẓer ara, seknem-as amek i yumes uneccaf-nni.
- Ur yezmir ara ad ixeẓẓer aṭas, ihi yal tikkelt qelbem aneccaf-nni akken ad yetwelleh ɣur-s ma yumes.
- Ger aneccaf-nni yumsen deg tqecwalt.
- Ɛerḍem-t-id ad yesfeḍ ṭṭabla-nni imesxen.
- Qqimem yid-s teqqarem-as ticki ur yewniɛ ara kra, tanfem-as ad yexdem ɣas iɛeṭṭel.
Ma yella dayen tekfam deg kra n leqdic ; tzemrem ad ternum wayeḍ, tzemrem ad t-tesɣimem ad as-tefkem tabaṭaṭat ad tt-yecceqcer s lmus n lbaṭaṭa , seknem-as amek i tt-cceqcaren, mi ara tt-yekfu rnum-as-d tayeḍ.
Tzemrem diɣen ad as-tseknem amek :- Siriden tizwal deg lḥila
- Tajilbant
- Agezzum n wafriwen n cclaḍa d iḥricen imecṭuḥen.
- Aseqcer d ugezzum n tbanant s lmus amecṭuḥ ur qeṭṭiɛen ara.
- Aceqcer n tčinet
- Asexleḍ n tmellalin s tɣemǧawt tamecṭuḥt, kunwi s tmeqqrant
Yal tarrayt n tnumi n leqdic i txeddmem, sekkit agrud yid-wen :
- Yezmer ad yawi taqecwalt-nni n lqec i yumsen akken ad iriden
- Ad yawi iselsa izeddganen ɣer texxamin
- Ad yexdem taderbalt tazeddgant i wusu-s
- Tzemrem deg sin yid-wen ad tqeɛdem usu
- Amek ara ten-yeṭṭef s yimessaken n yiceṭṭiḍen
- Amek ara yefser iceṭṭiḍen i ibezgen
- Amek ara yeḥsi mi ara kkiwen
- Amek ara ten-id-yekkes ad ten-iger deg tqecwalt.