Isteqsiyen ɣef umbiwel n ugrud amecṭuḥ
Ma yella usu arxayan ur yettḍurru ara agrud amecṭuḥ ?
Bɣiɣ ad xedmeɣ usu arxayan i ugrud-iw, maca uggadeɣ cwiṭ ad yeɣli neɣ ad t-yaɣ kra.
D tuggdi n waṭas n yimawlan i yettxemmimen kan ad segnen agrud deg dduḥ. Acu kan, agrud ur d-iɣelli ara deg wusu arxayan ma yella yesɛa-t seg tazwara. Agrud yesɛa tazmert n uḥnuceḍ seg tlalit-is, Aḥnuceḍ d ambiwel alwayan ma yella agrud iḥus d akken kra deg tfekka-s ur inul ara usu-s ad yeḥnuceḍ ɣer tlemmast n wusu. Ma yella agrud ur yeṭṭis ara deg wusu arxayan seg tazwara, deg wannect-a tella tuggdi n ubeddel. Acu kan, heggit iman-nwen akken agrud ad idewwir acḥal d tikkelt uqbel ad yaɣ tannumi. Maca usu arxayan xas yeɣli-d ur t-yettaɣ acemma imi ur ɛlay ara, diɣen agrud ur yuḥwaj ara aṭas akken ad yissin tilisa n wusu-s akken ur d-iɣelli ara.
Uggadeɣ agrud-iw ur yettɣimi ara deg wusu arxayan
Ur tteklaɣ ara ɣef tikti ad segneɣ agrud deg wusu arxayan. Deg dduḥ i tteklen yimawlan ad gren agrud akken ur t-ttɛassan ara kan mi ara gnen. Amek ara ttekleɣ akken ur d-ittekkar ara, ur itteddu ara deg uxxam ur iɣelli ara deg tedrujin ?
Llant snat n tɣawsiwin ilaq ad tent-txedmem, tamezwarut ilaq ad tḍemnen akken agrud yezmer ad igen iman-is, tis snat ad yecrek iḍes d wusu-s. ma yella tettaǧam-t ad igen anda yebɣu yili, ilaq-as aṭas n lweqt akken ad yeḥsu bli d usu-s i d amkan-is n yiḍes. Ilaq ad yesɛu tazmert n tguni iman-is. Yal mi ara tesganayem agrud berra n wusu-s s uzuzen d uhuzzu, ur yessawaḍ ara ad yeggan iman-is. Ilaq ad neɛlem s wayen yuḥwaǧ ugrud mi ara d-yettban fell-as ɛeggu, ad t-nesres deg wusu-s arxayan ad igen iman-is. Ma yella tsersem irellucen deg texxamt-is, ur yuḥwaǧ ara ad iḥewwes ayen nniḍen deg uxxam mi ara d-yekker diɣen ma yella tɣelqem tawwurt n texxamt ur yettizmir ara ad d-yeffeɣ.
Tamsarewt ma yella tezleg imi d-tenna ad tettlem agrud ?
Ma yella ambiwel yesɛa tixutert, iwacu timsarewt tettwellih ɣer tuttla n ugrud ?
Neqqar-d tuttla n ugrud thedden-it tettɛawan-it ad igen diɣen ad ngen ula d nekkni d tidet, tiyemmatin timaynutin uḥwaǧent ad sgunfunt mi ara d-rbunt. Acu kan, agrud ilaq ad yizmir ad iḥerrek iman-is mi ara igen, acku annect-a ad t-iɛawen ad yesnerni tannumi-s n yiḍes yelhan. Ma yella yendekwal-d ugrud imi tettwaḥres tuttla-s ad yettḥerrik alma ibeddel idis ad igen. S wannect-a yezmer ad yesnerni tazmert n tuɣalin ar yiḍes mi ara d-indekwal deg yiḍ.
Yuɛer-iyi ad sedhuɣ agrud-iw
Fkiɣ i ugrud-iw akk irellucen swayes yezmer ad yurar yis-sen, maca ur t-tuqiɛ ara mi ara ten-yettnal yettban ur yezmir ara ad ten-issexdem, ihi ad ten-yettwexxir ad yenneɣni. Anwa irellucen i ilaq ad as-ten-fkeɣ ?
Ma yella yenneɣna, annect-a yemmal-d akken arelluc-nni meqqer neɣ ur yezmir ara ad yurar yi-s. neɣ ur as-tettakkem ara ad yextir ayen yebɣa. Ẓrem ayen i iḥemmel fkem-as-t, tiɣawsiwin n uxxam ur qeṭṭiɛen ara d tid ur yettizmir ara ad tent-issebleɛ yezmer d tid ara yebɣu. Acku mi ara yurar s kra ad iwali amek tettwaxdam, d acu-tt, ihi ilaq yal tikkelt ad as-tettakkem tiɣawsiwin yemxallafen. Yal mi ara yelmed kra seg tɣawsa neɣ arelluc, ad ikemmel turart yis-s. Mi ara yewjed ad yurar s irellucen imaynuten, ad ibaɛed ɣef yirellucen-is iqdimen. Amedya ma yella iɛǧeb-as ṣṣut n tčenčunt n usɣar, tzemrem ad teččarem tabasalt d leɛḍes neɣ d rrmel ẓrem ma yella ad as-yehwu waya. Ma yella agrud iḥemmel initen neɣ ayen imeẓḍen, tzemrem ad as tefkem ičenčunen ifessasen ara yizmir ad yeṭṭef s yifassen-is akken ad yizmir ad yurar yis-sen yerna ur t-jerrḥen ara.
Tamejgagalt n trisiti ma yella ur t-tettḍurru ara ?
Sɛiɣ tamejgagalt n trisiti, i zemreɣ ad ceɛleɣ s sshala ad tzuzen agrud-iw. Agrud-iw iḥemmel annect-a, nekk diɣen acku mi ara yedhu deg-s nekk xeddmeɣ lecɣal-nniḍen. Wissen ma d ugur i unerni-s ?
Tamejgagalt ur tettḍurru ara anerni, maca amkan agaman yettak tagnit i usnerni. D yiwen n umbiwel i d-yettɛawaden, tamejgagalt, d uhuzzu sedhayen-t. Ttawilat-agi n usedhu ttaǧǧant agrud ad yembiwel diɣen ad yeɛreḍ ad ibedd ad yezdi lqedd-is. Agrud ur itettru ara s waṭas acku ttawilat-agi n uhuzzu sembiwilen-t, zuzunen-t, ɣef wakka i smenyifen ad awin tamejgagalt d asefk i tyemmat ara d-yerbun, neɣ imawlan ẓran yelha umbiwel-agi i ugrud. Tiɣimit ɣef ukersi i idewwiren ad ṭṭfen agrud ad t-zuzunen yis-s kifkif mi ara tesɣimen ɣef tmejgagalt ad suraren agrud. Tamejgagalt tagamant ur teɛdil ara d tmejgagalt n trisiti, d tagamant i izemren ad tzuzen agrud kter.