Rreḥba n yiseqsiyen ɣef tikli

Ulac lweqt i tikli

Bɣiɣ ad fkeɣ aṭas n lweqt i ugrud-iw akken ad ileḥḥu, maca d ayen i wumi ur zmireɣ ara acku tudert-iw teččur d lecɣal, ur qḍiɛeɣ ara. Nezga nettḥir ad nruḥ ɣer kra n umkan, daymi ur nezmir ara ad neddu i lmend n ugrud akken ad t-neǧǧ ad ileḥḥu akken yebɣa. Dacu ara d-tinim ?

D tidet, medden ččuren d lecɣal, u lecɣal simal rennun-d skud tawacult tettimɣur. Akken i d-tenniḍ, ur nezmir ara ad d-naf aṭas n wakud i tikli. Tikwal tlaq aṭas n tikli yerna deg cwiṭ n lweqt. Dacu ilaq ad d-tafem lweqt ilaqen akken ad yelḥu ugrud-nwen. Lweqt-a n tikli ur d-yettili ara ma yella tettaysem ad truḥem seg umkan ɣer wayeḍ. Maca ilaq ad d-tafem lweqt ideg ara teǧǧem agrud ad yelḥu s lɣerḍ-is u ad tɛassem ayen i d-ijebbden lwelha-s deg ubrid mi ara ileḥḥu. Anfet-as ad yissin amek ara ileḥḥu, melmi i yebɣa ad yeḥbes, d acu i yebɣa ad t-iwali, d wanda yebɣa ad yaweḍ.