Lxetyarat

Slalet-d tawennaḍt ara yessishilen I ugrud akken ad yextir neɣ ad d-yefk rray ines.

• Yal yiwen ilaq ad yelmed ad yissin amek ara yextir deg tudert-is. Maca tuget n medden ur ẓrin ara dakken tazmert –a n lxetyar yelhan, tbeddu seg yiseggasen imezwura n tudert. ɣef waya, ilaq aseg temẓi ad asen-nefk tignatin i yigerdan akken ad lemden amek ara xtiren neɣ ad ddmen rray ɣef kra n taluft. Ih, neẓra dakken igerdan ḥemmlen ad xtiren ayen i bɣan, yerna abeddel neɣ akken ad neqbel ad ase-neddu di lebɣi ur yeshil ara. D acqirrew i kunwi. Ihi, ma yella tesnamem I ugrud akken ad ilmed amek ara yettextiri, ilaq ad tmeyzem I lxetyar ara as-tefkem. Efket-as ad yextir syin, ilaq ad theggim iman-nwen akken ad tqeblem rray-is u ad t-tqadrem.

Tiktiwin I yerzan lxetyarat

• Sextiret agrud s lxetyarat ideg tetteklem ad tferḥem yis-sen akk. Amedya, “Tebɣiḍ udi neɣ afermaj sufella n uɣrum-ik?” neɣ “Ad telseḍ aserwal-ik bu yijerriden neɣ aserwal-ik n lqaṭifa ?” neɣ “ Ad nruḥ ad d-naɣ tteffaḥ azeggaɣ ass-a, neɣ tteffaḥ azegzaw?”
• Ur ssexdamet ara lxetyarat-nwen akken ad tessigdem agrud. Amedya, “Ad teččeḍ lqut-ik neɣ ad truḥeḍ srid ɣer texxamt-ik?”, dagi agrud ad iḥus am waken ur yesɛi ara azref akken ad yextir netta.
• Di tazwara, kra n lxetyarat kan berka, ad d-kfun i ugrud-nwen, cwiṭ cwiṭ mi ara yennam ad yissin ad yettextiri, tzemrem ad as-ternum kra n lxetyarat-nniḍen ara as-tsemḥem akken ad ten-yextir.

Efket-as lweqt

• Yal tagnit anda ara yextir gar snat n tɣawsiwin u ad yeddem kra n rray, tesnernay deg ugrud-nwen aḥulfu belli yezmer i yiman-is. Yuḥwaǧ lweqt d ayen ibanen akken ad yefhem timsal anda ara yextir d temsal ideg ur yezmir ara. Maca simal ifehhem belli yezmer i yiman-is u ad iḥus belli tettekleḍ fell-as akken ad idem kra n rray, ad yuɣal d aqerru n yiman-is. S wakka, yal lxetyar ara yexdem d asurif deg ubrid n tneflit-is.