Ameslay

Heggit-d tawennaḍt ara yesnernin tameslayt

  • Xedmet tirza akken ad tesnernim amawal-is : urti, lexla, amraḥ n usteɛfu, axxam n lǧiran, tiḥuna, timkerḍiyin, atg. Tazemmurt, takamyunt n usiweḍ, iri n ubrid, atg.

Serset agrud anda ara yesɛu aṭas n tegnatin akken ad yesnerni tameslayt-is

  • Efket-d iseqsiyen yeldin ara d-yeglun s umeslay, am : « Amek i d-teɣliḍ deg tmejgaggalt ? » neɣ « Ayɣer i yefreḥ jeddi-k ass-a ? » Iseqsiyen-a : dacu, melmi, anda… ad t-ɛiwnen akken ad yissin amek ara yesteqsay u ad ikeccem deg umeslay akken ilaq.
  • Ur tettut ara sxedmet ameslay uzzig i yerzan axeddim-nwen neɣ ayen tḥemmlem. Awalen i icudden ɣer tebyulujit, ɣer uẓawan (lmusiqa), ɣer tẓuri (lfen), ɣer tussna, ɣer tusnakt, ɣer tdawsa ad d-asen ẓẓayit i ugrud amecṭuḥ. asmi ara yissin lesnaf n yifrax, d amedya, yezmer ad iḥemmel awalen-a uzzigen yecban : awezziw, ajeḥmum, iẓiwec.
  • Ḥkut-d timucuha n tudert, mačči kan seg tektabin. Tamacahut i d-iḥekkun tidyanin n yal ass. Agrud ad-as-yeɛǧeb lḥal : « Tekkreḍ-d, telsiḍ taserwalt-ik tazegzawt, d tebluzt-ik n udinuẓur, tessardeḍ tuɣmas-ik, atg… »
  • Ɛiwnet agrud-nwen akken ad d-iḥekku timucuha. « Asmi telliḍ deg lebḥer, tḥemmleḍ ad trewwleḍ i lemwaji. Ixef n lemwaji d ticebḥanin. Tecfiḍ syin akkin dacu i yeḍran ? » tzemrem ad tesxedmem tteswirat akken akken ad t-tɛiwnem ad d-yeḥku u ad yekcem deg teqsiḍt-is.

Efket lweqt akken ad temmeslayem

  • Seg sin ar tlata n yiseggasen, agrud-nwen yezmer ad yeffeɣ akkin i uxxam. Ihi afet-d lweqt ideg ara teffɣem ɣer berra akken ad d-yelmed tirmitin-nniḍen. Simal ad ittissin ad yemmeslay, ad yettizmir ad yessiɣzef ameslay war ugur. Ad yuɣal ad yissin ad isuter ayen i yuḥwaǧ u ad yemlil imdanen nniḍen s teflest (laman). Ad yuɣal ad yettmil ɣer tɣawsiwin-nniḍen, ad iḥemmel tikerrusin, lfakya, ifrax, ijeǧǧigen. Igerdan ttbeddilen tamuɣli-nneɣ ula d nekkni, mi ara nsel i wayen i bɣan, d tagnit i nekkni diɣen akken ad nelmed u ad nissin ugar ɣef tmeslayt tuzzigt n wayen akken i ḥemmlen.