Deg wacu i temgarad Montessori

Amgired n tidet

Asileɣ n tzemmar tigejdanin n yigerdan tesɛa azal d ameqqran deg yiseggasen imezwura n tudert. Mačči kan d almad aɣurbiz, maca ula d tizemmar n lwelha, n uxemmem d uḥebber s yiman-nsen akked tezmert akken ad kecmen deg tudert d wiyiḍ. Igerdan iwumi tettunefk tallelt deg yiseggasen-a imezwura ttuɣalen d imeqqranen i yesɛan lḥir d lebɣi akken ad lemden. Zemren ad ttxemmimen s tḥerci d usnulfu, ur ttilin ara kan d wid yeḥsan s wayen uḥwaǧen wiyiḍ.

Tarrayin tiqburin d Montessori

Deg uselmed aqbur, d imeqqranen i yettḍebbiren ɣef wayen ara lemden yigerdan d tezmert n wayen iɣef ara cfun neɣ ad as-d-alsen d wa i d iswi n uselmed. Aselmad d netta i d-yettakken isallen d tmussniwin ma d igerdan ad leqḍen kan mebla ma xedmen kra.

Deg tsensegmit Montessori, kra yellan ittezzi ɣef urmud n ugrud. Aselmad yetturar tamlilt-nniḍen, yettak-d tignatin yelhan i yigerdan akken ad d-afen dacu i yuḥwaǧen seg wayen i asen-d-yettunefken. Igerdan ttuɣalen ihi d inelmaden ittekkin deg lebni n ulmad-nsen u zemren ad siwḍen ɣer yiswi=an-nsen s yiman-nsen acku lemmden s leɛqel u ressan ddehn-nsen ɣef wayen i yuḥwaǧen ilmend n tzemmar-nsen.

• Tawennaḍt I yeddan d wayen i tuḥwaǧ tneflit n yal agrud
• Ameqqran Ara yegzun taneflit n ugrud u ad as-yerr lmendad akken ad t-iɛiwen akken ad d-yab abrid-is agaman.
• Tilelli Akken igerdan ad ddun d tneflit-nsen ilmend n uwitay n tneflit n yal yiwen