Rreḥba n yiseqsiyen ɣef Amured akked tikli

Tuggdi ɣef ugrud ur nleḥḥu ara

Mmi yesɛa aseggas, ar tura mazal ur ittdidac ara. Mmi-s n umeddakel-nneɣ, yebda yakan tikli. Ay adra yella wugur deg mmi ?

Xas ulamma aṭas n yigerdan i ileḥḥun uqbel ad sɛun aseggas, kra beddun asmi ara sɛun 6 n wagguren ma d wiyiḍ alma sɛan 16 n wagguren. Ihi ur t-ḥerrset ara akken ad yeddu s ttawilat i d-yesseɛjalen tikli. Ɛiwnet-t akken ad yeddu iman-is s yiman-is dacu ad yezwir qbel s umured. Taneflit n tfekka s umata kifkif-itt akk ɣer yigerdan. Kifkif-nsen akk i seɛɛun tizemmar yerna akken i ttemseḍfarent akk ɣer yigerdan. S umata, igerdan i iḥemmlen ad qqimen u ad walin ayen i asen-d-yezzin, lemmden s lemɣawla wala wiyiḍ. Kra nniḍen, ttkukrun. Kra n yimawlan ttḥiren, seqsayen ayɣer agrud i yebdan yeggar isurifen maca mazal ur ileḥḥu ara. Dacu ilaq ad ẓren dakken d tikli i iweɛren wala amured.

Axxam-iw wissen ma iwulem i ugrud-iw ?

Ahat ur ilaq ara as-fkeɣ tilelli i ugrud akken ad yili akken yebɣa deg uxxam ?

Ma yella yettḥerrik iman-is seg tazwara, agrud ad yaki s yiman-is, s tfekka-s d umkan anda yella. Mi ara yaɣ tannumi yettdidac neɣ yebda tikli, ad ifiq i wayen yezmer d wayen i wumi ur yezmir ara. Ma yella umkan ideg yezmer ad yeɣli am druj, ɛiwen-it akken ad as-ifiq, selmed-as amek ara yettali d wamek ara yettader iman-is. Ur t-reffed ara deg druj, ma ulac annect-a ad t-iqareɛ akken ad yelmed iman-is u ad t-iɛeṭṭel deg tikli-s. simal agrud ileḥḥu zik, simal ad yettaki d iman-is ugar.