Ameslay

Ɛiwen-iyi ad mmeslayeɣ s yiman-iw

Segmi ara d-ilal, agrud iceffu mačči kan d imeslayen-ik, maca ula d anya d wamek i tessenṭaqeḍ awalen. Daymi i d-ineṭṭeq ula d netta ilmen n wayen yesla. Di tazwara yettmeslaḥ s tfekka-s kan d yimeṭṭawen, simal yettimɣur simal ad d-yeqqar awalen, sfan, am wid i wumi yesla deg yiseggasen-is imezwura. Nekkni s yimawlan, nezmer ad nessemgire gar umeslay n ugrud s kra n leḥwayeǧ ara nexdem, d ayen isehlen maḍi.

Heggit amkan akken ad yili umeslay yelhan. Lmeɛna-s, heggit iman-nwen, theggim iɛeggalen-nniḍen n twacult, acku d kunwi i d tawennaḍt (amkan) ideg ara yelmed ad yettmeslay

Gret agrud deg twennaḍt-a, s umeslay, s tmesliwt d tɣuri.

Efket lweqt i ugrud akken ad yefhem imeslayen-nwen u ad yebdu ad ilemmed amek ad yettmeslay.

Seg tlalit ɣer 8 n wagguren

Mačči imi agrud ur d-yenni ara ula awal, lmeɛna-s ur ifehhem ara d acu i d-teqqarem d wamek i t-id-teqqarem. D tagnit yesɛan azal mliḥ, acku yesmuzgit i wawalen i d-teqqarem d wamek i tettḥerrikem icenfiren-nwen mi ara d-tneṭqem.

Kecmet ar dagi akken ad tɛiwnem agrud ad yissin ad yemmeslay akken ilaq.

seg 9 ar 12 n wagguren

Mi ara yesɛu ugrud 9 n wagguren, mazal ur yettmeslay ara ɛad, maca yessuffuɣ-d imesla (leswat). Asmi ara yesɛu aseggas, yezmer ad d-yessenṭeq awalen-is imezwura. Imir-nni yettḥerrik s waṭas, yettemlili-d tiɣawsiwin timaynutin yal ass, daymi yuḥwaǧ ad as-temlem ismawen-nsent.

Kecmet ɣer dagi akken ad tissinem ugar amek ara teslemdem awalen imaynuten i ugrud.

seg 12 ar 18 n wagguren

Asmi ara yesɛu ugrud gar 12 d 18 n wagguren, yal ass ad d-yessenṭaq awalen imaynuten. Ɣef waya, ilaq ad as-tettarram awal mi ara d-yettmeslay. Acku mi ara as-tettarram awal, annect-a yettɛawan-it akken ad ikemmel. Maca ma teǧǧam-t, ad yeḥbes, ur yekkat ara ad d-yenṭeq tikkelt-nniḍen.

Kecmet ɣer dagi, akken tissinem amek ara tɛiwnem agrud akken ad yemmeslay u ad tfehmem dacu i yebɣa ad d-yini.

Seg 18 ar 24 n wagguren

Deg tallit-a i wumi qqaren “Aṭṭerdeq n tmeslayt”, tawennaḍt tettcercur d ameslay. Simal agrud isell i wawalen, simal ilemmed awalen imaynuten. Ɣef waya, ilaq ad isell i waṭas n wawalen, xas ur yettmeslay ara aṭas, maca ad asen-yecfu akk.

Kecmet ɣer dagi akken ad tissinem amek ara tɛiwnen agrud deg uṭṭerdeq-a n umeslay.

Seg 2 ar 3 n yiseggasen

Heggit iman-nwen i usurif-nniḍen deg tneflit n tmeslayt. S umeslay deg way-gar-awen, agrud ad yebdu ad d-yessenṭaq tifyar (azrar n wawalen). Yezmer ad yessin awalen d yimeslayen iwulmen i tegnatin ideg yella. Yezmer ad yessiɣzef ameslay war ugur. Simal tettilim yid-s, ad tettmeslayem yid-s, simal allaɣ-is ad ilemmed u ad yessexdam awalen i yessen.

Kecmet ɣer dagi akken ad tafem allalen ilaqen iwakken ad tɛiwnem agrud deg tmeslayt akken ad yennerni