Tiririt i ssebba n lefɛayel-is

Xedmet-d tawennaḍt ideg tzemrem ad terrem i ssebba n tikli n ugrud

• Annect-a yettbini-d yeshel s wawal, maca tarrayt yelhan d imi ara tfehmem ssebba n lfeqɛat neɣ n tigawt d wamek ara as-terrem. Annect-a ad ken-iḥettem akken ad tettarram lwelha i ugrud-nwen u ad tarum ayen i d-ixelqen reffu, ayen i t-yesrayen neɣ i t-yesnuɣnayen.

Ilaq ad tcuddem agrud ɣer tifrat akken ad tefrum ugur n tikli-s

• Mbeɛd mi txemmem ɣef ssebba i d-yeglan s wayen yexdem, tzemrem tura ad teẓrem amek ara as-terrem. Agrud-nwen yelluẓ neɣ yeɛya ? ihi yuḥwaǧ lqut neɣ ad yesteɛfu. Ma yella yerfa ? ilaq ad yethedden. Iḥus yettwaḥqar neɣ yettwaḍerref ? Ihi yuḥwaǧ ad terrem ddehn-nwen akk ɣur-s, mačči kan azgen deg-wen mi ara tilim tedham deg uselkim. Yetqelleq, ihi yuḥwaǧ tallelt-nwen deg wayen i ixeddem.
• Ma yella yuɛer-as akken ad yeqbel lexsara, yuḥwaǧ ad tilim tetheddnem yerna treẓnem. Ma yella teǧǧam-t mi ara yettɛeggiḍ ɣef kra, ad as-tessaɛrem tagnit kter akken ad yeqbel tilisa-nniḍen. Mačči d tagnit n usigged, ladɣa mi ara tettgallam fell-as s wayen ur txeddmem ara. « Limer ur tḥebbseḍ ara leɛyaḍ, ur nettruḥu ara ar wurti, la ass-a la ssmana i d-itteddun». Rajut ad yetthedden syin ɛeddit ɣer wayen-nniḍen. Mi ara yefru wugur-nni, ur d-ttuɣalet ara ɣur-s.

Efket-as lweqt

• Efket lweqt akken ad txemmem ɣef ssebba n lefɛayel n ugrud-nwen, uqbel ad as-terrem. Tikwal, cwiṭ n lweqt n uxemmem ad ken-iɛiwen akken ad tetheddnem ur as-tettarram ara kan imir-nni, d ayen ara d-yawin tifrat ara d-yeglun s lehna.