Učči yeqquren

Heggit-as-d amkan yelhan

  • Mi ara as-tefkem tagella (učči) yeqquren i tikkelt tamezwarut, ilaq ad tilim teqqimem u temqabalem udem s udem, deg ṭṭabla yerxan, u ad yeqqim ɣef ukursi n warrac akken ad yettkel ur d-iɣelli ara.
  • Ma yella teṭṭfem-t deg yirebbi neɣ gar yifassen-nwen am wasmi i yella itteṭṭeḍ ayefki, ad yenwu d ayefki yeḥman ara yeṭṭeḍ, dɣa ad yagi učči-ines yeqquren.

Mlet-as amek ara itett yiman-is

  • Efket-as cwiṭ n tgella am lbaṭaṭa yeẓden deg tɣemǧawt, serset-tt ɣef tcenfirt-is akken ad tt-yeɛreḍ iman-is.
  • Sxelḍet-as tigelliwin, mačči yiwet kan. Igerdan ḥemmlen aṭas n lbennat asmi ara nnamen učči.
  • Serset-as kra n yiqecren n lfakya deg tḍebsit sdat-s, akken ad iger afus-is ad d-itterfad deg-sen di tegnit ideg ara as-tseččayem s tɣemǧawt.
  • Asmi ara yennam akk lbennat n lmakla, u yezmer ad yessiweḍ iqecran ɣer yimi-s s ufus-is, imir tzmrem as-tefkem taɣemǧawt-nniḍen i netta akken ad d-ittɛemmir s ufus-is. Kan akken ula d kunwi ad tkemmlem ad as-tseččayem s tɣemǧawt-nwen.
  • Heggit aman ɣer sdat-nwen, akken ma teɣli-as tɣemǧawt-is, ad tt-tessirdem u ad as-tt-terrem.
  • Asmi ara yessiweḍ ugrud ad yessexdam taɣemǧawt akken ilaq, efket-as tafurciḍt acku d tagi i iwulmen akken ad ifellu yis-s tagella.

Efket-as lweqt

  • Ur fecclet ara ma yella agrud ur d-yelhi ara d wučči-ines. Di tazwara, ur as-tettaɛjab ara lmakla, skud yennum itess ala ayefki.
  • Ilaq aṭas n lweqt i ugrud akken ad yizmir ad yetḥekkem deg ufus-is u ad t-yessiweḍ ɣer yimi-s. maca ma tsebrem yid-s, ur tetqelliqem ara, ad t-tettaǧǧam ad ixeddem iman-is, ad yizmir ad isett iman-is, dɣa imir-nni tzemrem ad tekksem taɣemǧawt-nwen.

Agbur-a yegdel acku cookies n tbidyutin ur ttwaqbalen ara.
Qbel cookies kan n tbidyutin