Asɛeddi n tbessast ar tserwalt

Sewjed amkan i usufeɣ s telweɣ

Swejdem-d taḥibust i ugrud, sersem-tt deg ubduz akken ad yebdu ad tt-issexdam yal mi ara yebɣu.
Efkem-as tagnit i ugrud ad yettbeddil iselsa-s n daxel izeddganen, serset-ten daxel n tqecwalt sdat n tḥibust-is deg ubduz.
Sersem-as tacabcaqt d cwiṭ n waman d usendel i tserwula-s ibezgen.
Swejdem-d aneccaf amecṭuḥ i ugrud akken ad yessizdeg lqaɛa.
Sersem-as takursit akken ad yettaṭaf deg-s mi ara ibeddel lqecc-is n daxel, diɣen ad ibedd fell-as akken ad yaweḍ ad yessired ifassen-is.
Sersem tiserbiḍin n ugrud anda ara yettaweḍ ɣur-sent s shala.

Slemdem-as i ugrud acu i ilaq ad t-yexdem

Ma yella agrud yebda yettdewwir iman-is, yettḥerrik ilaq ad tɛeddim ar llebsa n tserwalt i isehlen i tmelsa-s d tukksa-s.
Ilad ad as-tettbeddilem iselsa-s deg ubduz, akken ad yennam ad yefhem assaɣ gar ibeccan-is d lqecc-is ibezgen d ubduz.
Sɣimem agrud deg tḥibust-is deg wass.
Gar 12 ar 18 n wagguren agrud ibeddu yettḥussu mi ara yettwaḥres uqbel ad yessuffeɣ d lḥaǧa tamezwarut akken ad yaweḍ deg lweqt ɣer tḥibust-is.
Slemdem i ugrud ad yettbeddil iman-is iselsa-s ibezgen s wid zeddigen akken ad yelmed diɣen ad yettruḥu iman-is ɣer ubduz.
Slemdem-as ad yesfeḍ lqaɛa ma yella ffɣen-as-d yibeccan-is deg tḥibust.

Efk-as lweqt

Abeddel n tbessast ar lqecc n daxel ilaq ad yili seg temẓi akken ad tishil tannumi. Yuḥwaj lweqt ugrud akken ad yessaweḍ ad yettaǧǧa iman-is zeddig, neɣ ad yettruḥu iman-is ɣer ubduz.