Ɣer timucuha, cnu tizlatin

Snulfu-d amaḍal yeččuren d timucuha d tezlatin

• Deg leɛmer-a, igerdan ḥemmlen ad ɣren idlisen acḥal d tikkelt, ihi xtiret-d idlisen i emren ad qelben tiwriqin-nsen acḥal n swayeɛ. Tiktabin n ukartun neɣ n lkettan zurit, lhan i yifassen n ugrud-nwen, ur tteqrasen ara.
• Efket-asen tiktabin i yesɛan unuɣen isehlen n tɣawsiwin d tigawin d tedyanin n yal ass.
• Afet-d idlisen s tmucuha isehlen, ara yesɛun yiwen ujerriḍ deg usebter.
• Afet-d ccnawi, isefra d tezlatin ara tcennum i yigerdan-nwen.

Qqen agrud ɣer tmucuha d tezlatin.

• Qqaret-d i ugrud-nwen yal ass. Inadiyen mlan-d dakken igerdan i wumi d-qqaren s ssut ɛlayen xas cwiṭ seg 10 ar 20 ddqayeq i wass, ttuɣalen d imeɣriyen igerrzen ar sdat.
• Kemmlet cennut ccnawi d tezlatin iɣef tecfam seg wul, ternum-d tizlit tamaynut ara tissinem yal ssmana.

Afet-d lweqt ideg ara d-teɣrem u ad tecnum d ugrud-nwen.

• Erret taɣuri d ccna n tezlatin d tannumi n yal ass ladɣa mi ara yebɣu ugrud ad yeṭṭes neɣ xersum d tagnit n nnecraḥa d lehna mi ara teqqimem akken.