Sewjed-d amkan anda ad yeggan iman-is
- Agrud ilaq ad yesɛu ameṭreḥ iman-is deg texxamt-is. Ma yella tesganayem agrud deg yiwen n umkan ad as-yuɣal d tannamit din kan ara yeggan.
- Usu arxayan yettaǧǧa agrud ad igen akken yebɣa, acku yezmer ad yekcem usu-s mi ara yeɛyu, diɣen yezmer ad t-yeffeɣ mi ara yeṛwu iḍes.
Snam-as i ugrud amkan-nni n yiḍes
- Akken agrud ad yennam usu-s ilaq ad yeggan kan deg-s ur yettbeddil ara usu yal tikkelt deg uxxam.
- Ma yella teǧǧiḍ-t ad yeggan deg usu n yemma-s neɣ n wayeḍ ad iɛeṭṭel akken ad yennam usu-s belli d win i d amkan-is n yiḍes.
- Mi ara yili ugrud d amecṭuḥ, annect-a yettɛawan, yessishil i ugrud ad yennam iḍes deg wusu-s. Yir tannumi n yiḍes tettaɛar ad tt-yekkes.
Efk-as lweqt
- Yezmer ugrud ad yeṭṭef lweqt akken ad yennam usu-s d amkan n yiḍes, d amkan anda ara yeggan iman-is. Ladɣa ma yella ur yennum ara annect-a seg tazwara, ilaq ad tsebrem fell-as. Ad t-tsaɛfem cwiṭ cwiṭ alma yennum.