Ɣer timucuha, cnu tizlatin

Snulfut-d amaḍal yeččuren d timucuha d tezlatin

  • Afet-d amkan i tektabin deg yal tasga n uxxam, am tquffet deg usalu, tamkerḍit tamecṭuḥt deg texxamt. Igerdan ttnejbaden ɣer tektabin mi ara walin tajellabt-nsent.
  • Eǧǧet kra n tektabin sufella n liṭajir, udem-nsent yezzi ɣer berra. Ma d tiktabin-nniḍen serset-tent ɣef ṭṭabla. Eǧǧet-t ad d-yextir tiktabin i iḥemmel. Ma yella tsersem-tent akk deg liṭajir, yezmer ad tent-id-yesseɣli akk akken ad yaf taktabt i yettnadi.
  • Ttawit yid-wen tiktabin mi ara teqqimem deg tzeqqa n uraju ɣer umejjay neɣ ɣer ṭṭbib n tuɣmas.

Serwut-as timucuha d tezlatin i ugrud-nwen

  • Mmeslayet-as ɣef kra n teqsiḍin timecṭuḥin, tiqsiḍin i d-yessefhamen kra, neɣ i d-yeskanen kra n uɛewwiq d wamek ara yefru. S lemɛawna-nwen agrud ad yizmir ad d-ittmeslay ɣef tektabin i yeɣra.
  • Tiktabin zemrent ad ɛiwnent agrud akken ad iheggi iman-is i kra n tirmit. Amedya, uqbel talalit n ugrud wis sin, ɣret-as-d kra n udlis ɣef tlalit n ugrud. Xtiret-d agbur yeddan d leɛmer n ugrud-nwen. Iḥemmel ad isel i teqsiḍin i d-yettawin ɣef yiḥulfan d tuggdi. Yezmer ad iqqen tidyanin n teqsiḍin ɣer wayen i yettidir deg tudert-is. Kemmlet akken, ur d-ggaret ara timucuha n tteryulat d tid yessewhamen. D ddunit n tidet i yuḥwaǧ tura, tiqsiḍin-nwen n temẓi ad d-asent asmi ara yemmed.
  • Akka tura, yezmer ad d-iɛawed i wawalen d tefyar n tektabin-is. Yezmer ad yesmenyif kra n tektabin i d-yettawin ɣef leḥsab, inemgalen d yiniten. Adlis yezmer ad d-yessekcem kra n wawal amaynut. D acu ur ilaq ara taktabt ad as-tekkes amkan-is i tirmit n tidet deg tmetti. Ad yerzu ɣer wurti n yiɣersiwen ad iwali s wallen-is xir ma teɣram-as-d taktabt ɣef yiɣersiwen n wurti.
  • Rnut-d tizlatin d yicewwiqen imaynuten (ijdiden). Cennut yal ass, cennut s leɛqel. Mi ara icennu ugrud-nwen yesnulfuy-d imeslayen deg uqerruy-is uqbel ad d-yessuffeɣ imeslayen-nni. Kemmlet kan ccna, skud iɛǧeb-as lḥal, yesteḥla. Lmeɛna n yimeslayen ad tt-yefhem s lemɣawla mi ara icennu. Iḥemmel ad iḥus s ssut-is mi ara icennu.
  • Ɣret-as-d idlisen n yisefra akken ad teẓrem anwa isefra swayes i yettḥussu. Ḥeffḍet-ten tecfum fell-asen akken ad yesteḥli yis-sen ugrud. Ad yeḥfeḍ isefra s lemɣawla u ad yetturar s wawalen.
  • D ayen i iḥemmel ugrud ara ken-yeǧǧen ad teẓrem dacu n tektabin ara d-textirem. Efket-as iseqsiyen ɣef tteswirat mi ara teqqarem. Sneflit aḍris ilmend n lebɣi n ugrud. « Tecfiḍ asmi neɣra tamacahut n Briruc d yibiw yessewhamen ». Mi ara d-teskecmem awalen imaynuten u ad asen-d-tettɛawadem, ad as-tefkem i ugrud tignatin akken ad ten-yissin. Stuqqtet leqdic-a, teǧǧem agrud ad d-yifrir ugar.

  • Kemmlet akken, ssekcamet taɣuri d ccna deg tudert-nwen n yal ass kunwi d ugrud-nwen. Ɣret tecnum tizlatin akken d ayen ara yesferḥen mliḥ agrud xir ma yetturar s yirellucen. Tudert-nwen d tin n ugru ilaq ad teččar d tizlatin, ccnawi d yidlisen i awen-iɛeǧben yal mi ara tesɛum lweqt.