Rreḥba n yiseqsiyen ɣef tikliwin n warrac

Wissen ma ilaq ad greɣ iman-iw mi ara ttennaɣen warraw-iw ?

Arraw-iw zgan ttnaɣen deg way-gar-asen. Yal ttikkelt ggareɣ iman-iw gar-asen akken ad ten-fruɣ. Tzemrem ad yid-tefkem kra n yiwellihen akken ur ttnaɣen ara ?

Ma yella tzemreḍ, yelha ad teǧǧeḍ arraw-im ad frun imenɣi-nwen iman-nsen. Akken ad ḥussen i yiman-nsen belli yella littkal fell-asen. Af-d dacu i d ssebat n yimenɣi, theggiḍ annar iwatan akken ur ttnaɣen ara. Amedya, serset irellucen n uqcic ameqqran iwsawen, ma d irellucen n uqcic ameẓẓyan sers-iten swadda. Ma yella llan yirellucen i cerken warrac d teqcicin, ilaq ad asen-txedmeḍ ahil, ad tturaren s nnuba. Sexdem tigertilin iɣef ara tturaren, syin yal arelluc ur t-yessexdam ara wayeḍ alma yerra-t ɣer umkan-is deg leqjer.

Sexdem tameslayt ara yefhem uqcic, amedya ad as-tiniḍ : « Ḥbes ttxil-k. Meẓyan yetturar s urelluc-a tura. Raju ad ifak. » Wali dacu ara yeḍrun. Ur ggar ara iman-im siwa ma nnuɣen, uwḍen ɣer tyita. Ini-asen ad ttmeslayen s wawal ẓiden. Ili-kem d tanefrayt gar-asen, seqsi-ten yal yiwen iman-is : « Yella kra nniḍen i tebɣiḍ ad t-id-tiniḍ ? » Sel-as kan, ur as-ttarra ara. Zzi ɣer wayeḍ, seqsi-t akken diɣen. Ruḥ uɣal gar-asen alma yenna-d yal yiwen deg-sen ayen i yebɣa. tarrayt-a tesrusu-d talwit u tettawi-d tifrat.

Tiyita ih neɣ xaṭi ?

Sliɣ dakken igerdan ttissinen tilisa-nsen mi ara ten-uwten yimawlan-nsen, d tidet neɣ xaṭi ?

S umata, mi ara rfun yimawlan i ssexdamen tiyita. Limer ad fken lweqt akken ad yerked lxaṭer-nsen, ad ten-iɛeddi ufqaɛ, ad d-afen abrid-nniḍen akken ad seɣtin i warraw-nsen. Tiyita ad tt-yefhem ugrud belli d abrid yelhan akken ad yefru uguren-is neɣ ulac fell-as ma yella imeqqranen kkaten imecṭuḥen. Dɣa ad yuɣal ad yettaggad imawlan-s. Annect-a ad isegger aqcic ad yuɣal d imciṭṭen neɣ ad iɛzel iman-is seg tuggdi. Aṭas n yinadiyen i d-yesbegnen belli tiyita tettawi aqcic ɣer ddreɛ d lḥecmat.

Amek ara teṭṭfeḍ aqcic i yettmassin ayen yufa ?

Aqcic-iw yesferfud, ayen i d-yemmugger ad t-yerfed. Zgiɣ d leɛyaḍ deffir-s : « Xaṭi, xaṭi ». Mi ara as-kkseɣ leḥwayeǧ-nni, ad yesker leɛyaḍ, ad yettexbibiḍ. Amek ara as-xedmeɣ ?

Xdem-as amkan ideg ara yurar u ad yelmed. Ur as-qqar ala « Ala » yal tikkelt. Igerdan ḥemmlen ad massin akken ad issinen. Ma yella mmi-m teqqareḍ ara yal tikkelt : « Ur ttmassi ara » yezmer ad as-truḥ tewnafit neɣ ad yeddu deg ẓẓkara ad yettmassi kullec. Maca ma yella yiwen yeǧǧa imru neɣ lmus ɣef ṭṭabla, ilaq ad as-tiniḍ : « xaṭi, ur ttmassi ara », yerna ad tezwireḍ akken ad t-tekkseḍ uqbel ad t-yerfed netta. Ma yella yeddem timqestin, eǧǧ-it ad tt-yeṭṭef, dacu mel-as isem-is. Tikwal agrud ma yella yessen kan isem n tɣawsa-nni dɣa ad yellez.