Lqecc yelhan i timanit deg llebsa
Llebsa
Kkes isebbaḍen
Els tisandalin
Efket-as i ugrud lqecc i yezmer ad ten-yels iman-is
- Lqecc s teqfalin itteqfalen s shala ad yizmir ad ten-iles ugrud iman-is. Amedya, titrikwatin yettemlasen seg yixef n uqerruy, tiserwula s tɣeggaḍin n lastik. Tikerrisin d teqfilin timecṭuḥin ad as-aɛrent i ugrud mi ara yebdu ad yettlusu iman-is.
Mlet-as i ugrud amek ara yettlusu iman-is.
- Mlet-as i ugrud dacu ara yexdem, truḥem-as s leɛqel akken ad iwali s wallen-is yal lḥaǧa ara txedmem yiwet yiwet, akken ad ken-id-yeḍfer.
- Eǧǧet agrud ad yennaɣ cwiṭ d lqecc-is. S yimenɣi-agi ara yuɣal ad yennam u ad yissin ad ten-iles iman-is.
- Mi ara yekker ad iles lqecc-is, dacu ur yessaweḍ ara, ɛiwnet-t cwiṭ akken ur iweḥḥel ara, dacu ur as-slusuyet ara kunwi. Anfet-as ad iɛeddi ɣer lḥaǧa-nni i d-itteddun iman-is. Cwiṭ, cwiṭ ad yuɣal ad ixeddem kullec iman-is.
Mlet-as amek ara yels ičeqciren
- Qqimet deg lqaɛa ḥafi s tyuga n ččeqcir-nwen.
- “Ad ak-d-mleɣ amek ara telseḍ ččeqcir”. Tikwal ad d-yeḍfer ad iwali, tikwal xaṭi. Ulac fell-as.
- Deg tazwara, gret sin iḍuḍan idebbuzen deg učeqcir, jebdet mliḥ akken ad yefhem belli tebɣam ad ten-teldim.
- Skecmet tifednin-nwen daxel n učeqcir, teǧǧem kan akken iḍuḍan-nwen daxel.
- Jebdet ačeqcir-nni ɣef uḍar-nwen alma yekcem akk uḍar daxel-is.
- Ma yella tjebdem-d lwelha-s, d nnuba-s netta ad yexdem am kunwi, ad iles ičeqciren-is.
- Annect-a ad yettwaxdem mačči kan tikkelt, maca aṭas n tikkal di teɣzi n smanat neɣ n waggur, ilmend n wayen iɣer yessaweḍ ugrud.
Mlet-as amek ara yels isebbaḍen
- Ldi asebbaḍ
- Ssali tamejjugt-is.
- Jbed agens n usebbaḍ
- Ssekcem aqejjir
- Qfel tamejjugt n usebbaḍ
Efk-as lweqt
- Ilaq aṭas n lweqt i ugrud akken ad ixeddem leḥwayeǧ akken i tent-txeddmem kunwi. Acku akken kan ara yebdu ad yettizmir ad yettbeddad iman-is. Efket-as lweqt akk i yuḥwaǧ akken ad ixeddem s yiman-is.