Heggit-d amkan
- Agur mi ara ileḥḥu ilaq ad t-tettaǧǧam ad ileḥḥu s waṭas akken yezmer.
- Awit-t ɣer yinurar n wurar d wurtiyen anda yella liseɛ akken ad yeddu
- Efket-as ttɛebga i wumi yezmer ad tt-yerfed u ad itteddu.
Qqnet ɣer tegnatin yelhan.
- Ur ḥeqqret ara tizemmar-is, efket-as ad yerfed lqeḍyan-nwen, neɣ iceṭṭiḍen ɣer tmacint n tarda, mi ara ken-yettɛawan akka, annect-a ad yesnerni deg-s taflest deg laman deg yiman-is.
- Anfet-ad diɣen ad yeddu ayen yezmer. Aṭas i yenneɛtab akken ad yesnerni tazmert-a n tikli, tura ilaq ad tt-yessexdem. Asmi ara yebdu tikli, ḥader ad tegrem deg tmeccayt ma ulac ad iḥuss amzun akken ur tettkilem ara fell-as akken ad yeddu.Mi ara yettru mi ara t-tsersem deg tmeccayt neɣ deg tkerrust, yebɣa ad awen-d-yini dakken yuḥwaǧ ad yembiwel, yuḥwaǧ ad yeddu, aya yelha-as mliḥ i tneflit-is.
- Tikli n ugrud mačči am tin n umeqqran. Agrud mi ara ileḥḥu, iḥemmel ad iwali u ad yeṭṭef ayen i d-yettemlili. Annect-a yezmer ad yessaẓi aḥewwes-nwen, dacu akka, tif ad teǧǧem sya ar da lecɣal-nwen, u ad tḥewwsem d ugrud-nwen, ad tedhum xir n uḥewwes d yimeqqranen.
Efket-as lweqt
- Iban ad iṭṭef aṭas n lweqt akken ad iruḥ anda yebɣa neɣ ad yexdem ayen yebɣa. ilaq ad as-tsebrem, ur tettaysem ara. Sya arda, ilaq ad teddum ilmend-is akken yezmer kan.